القيمــة

قيمة "الأمان"
عكسها الخوف والتوتر
ولو فكرت فى ترابط السعادة بالأمان بالعكس
اللى هو هل تقدر تكون سعيد رايق وانت فيه توتر وخوف من شئ أو مجموعة أشياء بداخلك؟

وعلشان تبقى آمن لازم تيجى قيمة "القوة" معاها، والقوة اقصد قوة حقيقية اللى هى الثقة أو القدرة، والقدرة نتيجة قيمتين "العلم" و "العمل".

العلم نفسه فيه حقيقى، وفيه شئ آخر زائف بيقولوا عليه علم، والعلماء بيسموه pseudoscience، وجوا الـ pseudoscience نفسه حاجات حقيقية بس لأنها لا تقاس بأدوات مادية يرونها حتى الآن غير علمية، لكن لها تأثير واضح. ولذلك مهم تكون باحث واعى

زى ما اتفقنا سابقاً ان الحياة منظومة ضخمة، وثبت علمياً ان الكون بيتوسع، يعنى شئ Unlimited، فهو عالم مفتوح للبحث والتجارب والاستكشاف، كذلك كل قيمة هى عالم مفتوح بتزداد معرفتك وثقلك بيها مع كل تطور، والقيم هى أساس بيحكم طريقة التجربة الحياتية سواء على مستوى الفرد نفسه أو الجماعة.

ولأن التضاد بيوضح المعنى المقابل له وبيقويه مع إدراكك له، فكل قيمة لازم مقابلها شهوة؛ بحثك وتحديد القيم وإدراكها من تضاداتها باستخدام السوشيال ميديا لرؤية أمثلة واضحة فى العالم هيخلى رؤيتك تتوازن وتبقى حادة.

رأيى أن التحفظ وعدم المرونة والبُعد كما ذكرت فى مقالة السوشيال ميديا المستوى الأول بيقيد أو بيمنع عقلك عن رؤية أشياء مفيدة حتى لو سلبية؛ إدراكك لتأثير السلبى بيعزز جدا القيمة المضادة. ودا برضه مرتبط بقيمة "الحرية".

🔸 نقطة أخيرة: ادمج المقالتين ببعض: دى والسابقة (الاتصالات 01) . وفكر مع نفسك على الهادى ويُفضل تكتب سواء ورقة وقلم أو برنامج سوفتوير عادى